郭晉安： 好彩阿Lam冇事啫！我諗阿姐一定好唔安樂，我自己冇乜紅館經驗，所以綵排同演出時會特別小心，我綵排時工作人員已經叫我唔好行近band台。
陳小春： 我見華仔一路喺阿Lam身邊幫手，後來我上咗台表演，落返台就唔見阿Lam咯。阿姐個台唔算有太多機關，但有升降台都有危險，我好奇怪點解會改咗rundown，本來阿倫之後先到阿Lam，我都唔知乜嘢事。
Twins： 我哋都見過有舞蹈員跌低，但佢哋慣咗都冇嘢。其實喺舞台都好易有意外發生，所以都要買大額保險，不過呢啲都係公司安排。
容祖兒： 希望阿Lam冇事，但自己喺舞台演出前會練習多幾次，同埋會少啲着高踭鞋表演，將發生意外嘅機會減至最低。但突發嘅嘢係意外，冇人估計到。
薛家燕：我睇到電視新聞話阿Lam跌落個窿度，真係好驚。有時藝人喺舞台上就真係睇得唔清楚，我覺得做舞台設計嘅人，要同每位表演者講清楚邊度係陷阱。我已經問候咗阿姐。