老董最近又再大鬧李柱銘唱衰香港，好多人話係老董對馬丁已經忍無可忍，但係老董一向對乜嘢民望低、評分低都當睇唔到，為乜馬丁唱兩句就忍唔到？最近有個「董班子」成員同八方解開呢個謎，關鍵係阿爺開始覺得，民主派同傳媒呢幾年數阿董衰嘢，唔係全部「老作」，阿董有乜理由重唔打醒精神吖！
呢位「董班子」成員同八方講，早兩年傳媒同民主黨唱老董唔掂，阿爺真係唔信，但一場沙士之後，連董班子入面都有人向阿爺「篤」老董，阿爺開始信阿董真係唔掂。
呢位「董班子」成員又話，其實阿爺一直有昅住香港各大民調，阿董民望幾時創新低，阿爺心中一清二楚，但人既然冇得換住，喜歡唔喜歡，都惟有挺住阿董先。
傳真︰2623-9278
電郵︰