汪明荃前晚在紅館演出尾場個唱後，隨即趕往法國醫院探望林子祥，然後再到大華酒店出席慶功宴。現場只見阿姐勉強露出笑容主持開香檳儀式，一臉倦容的她向在場人士表示阿Lam情況穩定，並無生命危險。
其後阿姐接受記者訪問時，被問到今次意外會否成為演唱會的遺憾時，阿姐說：「係，搞到我好唔安樂，出咗呢個意外好唔開心，我知佢生命冇危險，應該冇事。」而問到阿姐為何能處變不驚繼續演出？她說：「TheShowmustgoon。（表演必須繼續）」
此外，提到男友羅家英接載她往醫院時撞傷攝影記者一事，阿姐說：「冇意外，我喺車入面，我知道冇事。之後羅家英同我講話警方想同佢吹波仔，為乜嘢事我就唔知，應該冇嘢。」
採訪：胡比 攝影：陳偉權