林子祥受傷圈中藝人都十分憂心，前晚擔任汪明荃個唱嘉賓的劉德華，與林子祥份屬好友，他未出場前一直坐在觀眾席上欣賞林子祥演唱時，眼看林行近升降台洞口，欲張口大叫，但未叫出聲林子祥已失足跌下。劉德華隨即趕入後台了解，並一直陪伴林子祥左右，直至救護車到達，但因他要留在紅館演出，才未能陪伴林到醫院。
劉德華昨日憶述「我後來坐喺紅館一邊覺得好擔心，一邊睇住阿姐演出，對阿姐堅強、勇敢嘅精神好佩服，百感交集之下先會忍唔住淚水。」劉德華又說：「我都有一直同Sally保持聯絡，本來都想去醫院睇吓佢，但途中有人話醫院唔想太多人去，於是就返屋企先。」劉德華謂他會在心中默默祝福，希望阿Lam早日康復，吉人天相。
李克勤前晚是表演嘉賓，事發後他和劉德華亦是首先見到林子祥的人，李克勤說：「我同華仔（劉德華）係最先見到唔係好清醒嘅阿Lam，件事太快，我睇到受傷嘅阿Lam個樣好唔舒服，表情好痛苦，我哋事後上台重要講笑扮冇嘢。我希望阿Lam冇事，佢好有舞台經驗，我睇到報紙有好多揣測，呢刻唔方便講咁多，我會打電話問候佢。」
許志安去年舉行演唱會亦險發生類似意外，他說：「嗰次我做咗六場，以為自己好熟個舞台，但當嘉賓車婉婉落台，我唔知道退後差啲差錯腳跌落台，好彩導演睇到，立即將個台升番高，所以喺舞台演出真係唔可以大意。」
本報記者