蒙嘉慧、楊怡、姚瑩瑩、唐文龍及揚明等昨日在將軍澳，宣傳無綫新劇《衛斯理》，蒙嘉慧表示稍後會返內地拍劇，但亦會盡量配合無綫宣傳劇集。
原來蒙嘉慧日前因吃了過多榴槤而發燒，需看醫生，她說：「我試過一個人食一個榴槤，食完好似飲醉酒咁頭暈。」
問蒙嘉慧返內地會否吃野味時，她說：「之前返去拍《衛斯理》，試過有啲客請食野味果子狸煲粥，我都唔敢食，只係無辦法之下試過食野豬，我咪當豬肉咁食囉。」
此外，問楊怡對於緋聞男友洪天明予人花弗的感覺，她說：「我哋只係好朋友，花唔花弗冇乜所謂，總之我哋𠵱家唔係，將來唔知。」
採訪、攝影：王崇穎
溫碧霞、Rosemary、陳淑蘭及鄧萃雯等人，昨日往樂富中心為「古典情懷樂繽紛」活動行show，郭晉安及楊婉儀任開幕嘉賓，楊婉儀的丈夫王瑞勳更做柴可夫管接送，以及在台下欣賞她的演出。
溫碧霞昨日穿上性感的懷舊服裝，她表示最近在內地覓得新經理人，她說：「我喺香港嘅工作一向係藝能同我傾嘅，自從拍咗幾個內地廣告後，喺內地嘅知名度增加咗，為咗開拓內地市場，不如搵個內地經理人幫手啦，我已經有兩個廣告在手啦。」
Rosemary則被問及在新片《我阿爸真爆炸》中演邦女郎，會否有很性感的演出？她說：「健康式嘅性感冇所謂啦，況且我最近keep得fit咗，都唔介意着泳衣。」她表示現在的磅數是一百二十五磅。
採訪：DebbieLum
攝影：JerryYan
