李彩樺入行以來，先後與林峯、方力申、麥浚龍（Juno）和蕭正楠（Edwin）的名字扯上關係，自早前阿Rain被揭代父還債後，原來這四個男人各有不同反應。
阿Rain表示方力申和蕭正楠對她最好，前者透過電話短訊問候她，後者更親自開口安慰。反而阿Rain表示跟Juno不相熟，亦沒給電話號碼對方，就算Juno想問候亦無從。
至於林峯曾公開表示打過電話給阿Rain，還跟她談了五分鐘，不過阿Rain表示只收到林峯的短訊問候，二人的口供完全不同！阿Rain說：「佢有sendmessage畀我，但冇打過畀我呀。」那她會否覺得林峯此舉不誠懇？阿Rain替林峯說盡好話：「佢sendmessage畀我，都係一種問候，佢都有心，我多謝佢。」
阿Rain和林峯的關係像霧又像花，去年二人合作拍電視劇《雲海玉弓緣》時，緋聞傳得熱烘烘，隨着劇集拍攝完畢，林峯明顯疏離了阿Rain，似關係有變，阿Rain對此說：「可能佢成日要喺內地做嘢，大家至少咗聯絡啫。」有傳二人的地下情已告終，阿Rain卻說：「根本冇開始過，拍嘢嘅時候，啲人係咁講啫，我同第二個合作，啲人咪一樣會傳。」
至於跟阿Rain最要好的方力申，阿Rain笑指對方是管家，跟他一起雖然很開心，但卻沒共墮愛河。阿Rain提起方管家即笑逐顏開地說：「我同方力申同一間公司，大家係同事，出道開始已經合作，佢係一個好管家，譬如佢知道啲同事帶我去食buffet，佢會同啲同事講：『唔好呀，肥呀，大鑊㗎！』佢好搞笑，幾開心㗎，我冇家姐冇阿哥，所以覺得佢好似我阿哥。」
至於有傳狂𠝹阿Rain的蕭正楠，阿Rain就說：「我同佢拍過TVB一個特輯咋，但大家幾friend，幾傾得埋，總之呢幾個都係勁吹，但我又唔會因為緋聞而煩，睇完咪算囉。」
Juno曾被發現在宣傳活動上，全程昅實阿Rain，有暗戀阿Rain之嫌，問現在Juno再見她時眼神會否閃縮？阿Rain說：「少少啦，有啲避忌，講真，我唔想因為呢啲新聞冇咗一個朋友。」
撰文：朱芷瑩
攝影：陳慧安
髮型：Bluedy（HairCulture）
化妝：Deborah 場地：Teca
