最近外國方面有消息傳出，謂寶馬繼推出新一代5系豪華房車後，又正密鑼緊鼓研製新款M5高性能房跑車，據聞重有望於2004年第三季登場㖭！
從相片中可以睇到，新款M5嘅線條與現有新款5系房車相近，但當你細心留意下，定能察覺到新車配有全車包圍、巨型跑車合金胎軨及雙出式跑車尾喉，一派高性能房跑車形象可謂表露無遺；至於車廂布局方面，就由於新車仍在研製階段，故暫時未有關於呢方面嘅詳細資料，但一般相信會與現有M5型號一樣，響豪華中帶點跑意。另外該消息又指出，新款M5將會配用一台5.0或5.5公升V10引擎，馬力輸出動輒高達500匹之餘，並輔以寶馬享負盛名嘅SMG波箱，性能表現可謂毋庸置疑呢！有興趣嘅車迷，就記住要留意新車確實推出日期喇！