模特兒出身的嚴淑明本於昨午乘長榮班機飛往台灣工作，因非典型肺炎在當地蔓延，她已準備抵埗後自我隔離十日。
可是嚴淑明昨日在中環機鐵站辦理登機手續時，航空公司卻禁止她辦手續，令嚴淑明十分氣憤，她昨日在電話中說：「佢哋臨時要我出示驗身證明，同埋一份類似登陸許可嘅證明文件，又話藝人要去台灣做嘢，需要台灣經理人方面畀一份叫做『具結書』嘅文件畀我，先可以登機，話係啱啱訂嘅新例喎。」
嚴淑明續說：「事前完全冇人同我講過，新聞亦唔見有報道過，航空公司叫我最好問中華旅行社，我即刻搭的士去嗰度問清楚，點知佢哋又話乜都唔知。後來航空公司啲人又叫我不如直接搭機鐵入機場了解，點知我上機鐵時又俾航空公司啲人拉落車，搞到我好似俾人當賊辦咁，真係好激氣，𠵱家惟有過多幾日先至去啦。」
採訪：戴彩煥