八方行街成日遇到有人派單張，通常都唔會接，費事製造垃圾，但係噚日見到單張寫住「免疫專家」談「防禦非典型肺炎」，即刻攞份睇睇。
不過睇真啲，原來係法輪功嘅宣傳品，講吓練功可以點樣強身健體，提高免疫力，真係信不信由你。
法輪功學員真係肯落本，送埋一張叫《春光》嘅光碟畀八方，八方諗住睇吓花花草草減吓壓，點知開嚟一睇，竟然係法輪功學員喺天安門自焚嘅片段，搞到精神緊張埋。
法輪功都算高招，咁都畀佢諗到宣傳新橋，唔知係咪聽咗董建華講，要與時並進呢？
傳真︰2623-9278
電郵︰