政府日前突然宣布添馬艦新政府總部押後上馬，背後原因係一個謎，事關成件事似乎只係由老董一人決定，多名問責局長都係拍板後至知道，究竟係邊個咁把炮搞得掂老董呢？
民主黨主席楊森聲稱收到風係超人發功，不過有行會中人卻認為未必，「如果超人發功，就唔會今日先叫停啦！」
八方聽到另一版本，指成件事係行會成員梁振英「功勞」，CY梁已經唔止一次叫停，而CY班馬仔就不斷提議將新政府總部交畀私人發展商；然而知情人士話「唔覺得董生咁聽CY講」，所以邊個有咁大牙力叫停，始終係一個謎。
雖然老董保證會喺二○○八年起好新大樓交樓畀立法會，但據講立法會主席范徐麗泰始終唔多滿意政府安排。
傳真︰2623-9278
電郵︰