鄭希怡（Yumiko）、趙頌茹（阿Yu）、陳穎妍及江欣慈等，前晚到電視城錄影遊戲節目《智在必得》，早前搬屋的Yumiko表示，她花了數千元請朋友食飯。
Yumiko說：「因為我前幾日搬屋叫咗班朋友幫手，所以之後我都要請番佢哋食飯，不過請食飯嗰筆錢重貴過請搬運工人！我𠵱家成屋都放滿晒嘢。」
而阿Yu則透露目前正在增肥，她說：「我其實都好鍾意食嘢，我連早餐都要食飯㗎，但係唔知點解食極都唔肥，之後黃伊汶介紹咗一隻增肥藥畀我，我食咗之後都肥咗兩、三磅。另外有個美容師朋友重教緊我通淋巴去水腫，因為我個人好易會口腫面腫，所以我每日都會用手㩒吓條頸通淋巴。」
採訪、攝影：王崇穎