中大噚日舉行第二屆榮譽院士頒授典禮，前廣播處處長張敏儀同金融管理局副總裁陳德霖以傑出校友獲頒殊榮，而前校長馬臨、立會議員李家祥等七位對大學及社會有卓越貢獻嘅知名人士亦得到同樣嘉許。代表其餘八位榮譽院士致謝辭嘅，係大家久違嘅張大姐，其致辭別有深意，都幾耐人尋味。
張大姐用咗唔少篇幅講沙士風暴，話呢次事件證明，真正開放、不畏強權嘅傳媒，先可以保障生命同知情權，希望市民以後感受到新聞自由嘅可貴。
佢重有好多疑問，例如謝婉雯等醫護人員嘅犧牲可否避免、其他人應否有更多保障、資源分配是否合理？
耿直嘅張大姐提到兩間大學嘅明爭暗鬥非常痛心，直指個別人士嘅表現同言論，嚴重損害大學嘅聲譽及尊嚴，至於佢講緊邊個，就要大家自己參透吓。
（圖）張敏儀致辭時兩度哽咽，一次係憶起亡友，另一次則係提到校友謝婉雯醫生。
傳真︰2623-9278
電郵︰