我有時會為自己的無知和無能而感自豪。
「唓！唔好問我呢啲嘢，我都唔識睇說明書嘅，啲說明書寫得咁差！」我以不知道怎樣設定錄影機的預錄時間而感到驕傲，我有更重要的事情要處理嘛。
「唓，我都唔知邊個打邊個，我都唔睇中文書嘅！」即是暗示我只讀外文書籍。即是暗示我懂外語。說時一臉得意。
「唓，我都唔睇電視嘅，嘥時間！」表示我一向把時間放在層次更高的事項上——即是甚麼事項？別問，反正你不會懂，你我根本不在同一層次。
而，當第四次遇見某人，我仍會對他說：「唔好意思，我好冇記性，我個腦記唔到濕碎嘢。你叫咩名話？」我的腦袋只裝載大事，不讓瑣碎的東西干擾思路的清晰。經常保持頭腦高效率操作，是我堅守的原則；我為自己的高效率感到光榮。
不過，並不只我一人為自己的無知無能自豪。有時在街上向陌生人問路，他們會很開心的說：「唔知喎，我都唔熟呢頭嘅，嘻嘻。」他們為甚麼要「嘻嘻」？我無名火起。
年輕人驕傲和不屑的說：「唓！我一早都諗到啦，不過唔識講，費事講，講咗你都唔明，係唔係先！」不過，你唔講，我就更加唔明。當你連表達自己也辦不到，你很難會做到甚麼出來。空想是廢的。
也有不少人，當他們知道我在報紙寫專欄，便急不及待預先通知：「我都唔睇嗰啲嘢嘅，我淨係睇新聞。」說時一臉得戚，很討厭。我自己得戚就好了，我不喜歡人家也得戚。