【本報訊】縱橫歌壇三十年的「阿姐」汪明荃，昨晚當知道好友阿Lam跌落舞台後，一時間不知所措，急得衝口而出說：「頭先跌咗落去嗰個就係佢嚟㗎？佢𠵱家點吖？快啲話俾我知啦。」但一分鐘後，幾乎連唱甚麼歌亦忘記的「阿姐」，立即重現笑顏，憑其獨特的舞台風采，令整個演唱會圓滿結束，連台下的巨星劉德華，亦不禁佩服得眼泛淚光。
當林子祥跌落舞台的剎那，整個紅館嘩聲四起，但乘著升降台登上舞台的「阿姐」，卻在嘩聲中四處找阿Lam，頻頻回頭問樂隊：「阿Lam喺邊度」，在舞台另一端的樂隊總監向著她大叫：「跌咗落嚟呀。」「阿姐」臉色一變，緊張地說：「頭先跌咗落去嗰個就係佢嚟㗎。」並急着追問：「佢𠵱家點吖，快啲話俾我知啦。」稍後，她回過頭來，面向著觀眾說：「佢千祈唔好有事，冇事嘅……啊，唱乜歌都唔記得添。」然後轉身問樂手，「唱乜歌嚟㗎?」
當樂手提場後，「阿姐」定下神來，立即展露笑顏，並連唱了兩首歌。然後，嘉賓譚詠麟出場，他示意樂隊不要起音樂後，向著「阿姐」說：「阿Lam頭先叫我同你講，佢冇事，佢話變魔術，變咗你出來。」
「阿姐」及數位嘉賓再唱了多首名曲，直至劉德華登台。華仔一上台即稱讚「阿姐」非常專業，他表示，在台下目睹了一切，但感到「阿姐」在如此突發情況下，處變不驚，及繼續將歡樂帶給所有到場的觀眾，令他很感動，說到此處，華仔眼泛淚光，而「阿姐」則一再多謝華仔，但期間終於忍不住哭了出來。華仔繼續說：「阿Lam冇事，不過要留醫，希望大家都會祝福佢。」演唱會結束後，羅家英駕車載着汪明荃趕往醫院探望林子祥。