劉德華昨日重返母校，派發一千四百支消毒洗手液。現場除了有位自認叫AndyLau的男學生向華仔拜師外，還有大班學生的家長圍着華仔爭簽名及拍照，就連女教師亦不例外，華仔魅力認真非同小可。
劉德華昨日帶同天幕新人張穎康及鄧肇欣，返回位於新蒲崗的母校可立中學，向師弟師妹派發一千四百支印有自己肖像的消毒洗手液。華仔先到當年就讀的4C班派洗手液，學生群情洶湧，就連女教師都拿着相機影華仔。
除了大批學生圍着華仔，不少學生家長都爭着向他索取簽名，而學校外圍亦有不少途人隔着鐵欄搜索華仔蹤影，場面相當墟冚。
其間有位自認叫AndyLau的學生Rambo，高調地表示已等了華仔六年，還即場和華仔合唱《一起走過的日子》，更問華仔可否收他為徒。華仔拍心口向師弟師妹說：「我一定收，如果邊個想做演員，或者想喺呢一行發展，讀完書之後可以搵我。」
事後問華仔怕不怕到時學生真的來找他？他說：「搵我得！試鏡我公司都三日做一次，其實最緊要畀佢了解到做藝人嘅生活係點。」記者指Rambo唱歌時很似華仔，他說：「係囉，可能係睇帶啦！九五、九六年重係四大天王嘅日子。」杜國威當年是華仔中四的班主任，華仔還稱今次原本邀請他一起返母校，可惜杜國威沒有空。
採訪：陳梅香
攝影：仇志德
