過氣歌后雲妮侯絲頓（WhitneyHouston），呢幾日去到以色列，馬不停蹄咁遊覽咗好多名勝。前日佢喺一班希伯萊族人陪同下，同埋老公同個女齊齊去咗約旦河領洗，不過雲妮前日個樣睇嚟好激動，領洗完之後喊到停唔到口，重不停向住個天講多謝，兼且大叫：「我終於返到屋企喇！」據講雲妮去到以色列之後，感覺到同嗰度有好緊密嘅聯繫，佢重話自己前世一定係以色列人！