如果大家向來有留意車壇消息的話，相信都會知道不少關於eKWagon及eKSport大賣嘅消息，而廠方為迎合不同車迷口味，更於日前公布為eK車系增添一位新成員，而呢位新成員就係造型望落好有成熟Feel嘅eKClassy喇！
先以外形而言，呢部新款eKClassy整體設計與現有eKWagon型號相近，但就改換上全新頭泵把、鬼面罩、引擎蓋及頭燈組合，除令造型能予人有成熟穩重感外，當中一組頭燈更經過改良，從而於晚間行車時能提供充裕照明。至於車廂方面，布局亦會與現有其他eK系列相近，空間寬敞闊落唔在講，就連設備配搭亦好齊全；不過值得一提嘅係，eKClassy會係三菱汽車旗下多款小車中，第一款採用全自動恒溫冷氣嘅車款，以求令乘客可有更舒適嘅乘車環境。然而，新車仍沿用一台編號3G-38嘅657cc直3SOHC偈作核心，不但動力輸出充裕（50匹）外，而且重有低廢氣排放量同慳油嘅特性。
假若新車能抵港發售的話，相信定能惹來不少年輕車迷垂青呢！