鰂魚涌太古坊附近嘅夜市不多，除了快餐店外，大型食肆少之又少。所以，喺太古坊搵又靚又平嘅食肆，必然要到日本料理「朗田」歎至新鮮魚生，及以食蠔著名的「NapaValley」歎抵食鮮蠔！
開業約3年，口碑甚佳，不但報紙雜誌經常介紹，住喺附近的街坊更加會定時幫襯。最令人欣賞之處係食物夠新鮮，魚生由飛機運到，難怪每晚座無虛席。
有原隻帶子、響螺、甜蝦、八爪魚、三文魚及油甘魚等新鮮剌身，最新鮮嘅一睇就知係仍然口擘擘嘅鯛魚，7款刺身新鮮嫩口，份量十足，賣$198勁抵。
據大廚港哥講，呢三款日式肉卷差不多嚟幫襯嘅每一枱都會落order，十分出名。三種卷包括牛油果炸蝦卷、雜菜三文治卷及帶子沙律卷，三款味道各有特色。
Fion（學生）：「呢度有另類魚生食，乜嘢古靈精怪魚都有。」
郎田日本料理
電話：28110213
地址：鰂魚涌海灣街13-15號海灣大廈地下
營業時間：中午12時至下午3時；晚上6時至11時。
嚟呢度食晚飯一定要早訂位，否則閒閒哋都要等30分鐘。冇計，每日都有靚靚海鮮到貨，唔嚟搶食又點對得住自己。
食生蠔一定要由淡至濃。呢盤有齊五款靚生蠔，有清淡嘅美國Eagle、墨西哥Rock、澳洲SouthPacific、法國Marenna及較海水味嘅IrishBelon，每款有兩隻。
由法國深海運嚟嘅大膏蟹，由於水壓變化，所以上水後即瞓覺。先把膏蟹蒸熟後雪藏，雪到某溫度就上枱，味道鮮甜膏勁多，兼且帶點鹹水味。
魏小姐（學生）：「我最喜歡食生蠔，最高紀錄食20隻。呢度啲蠔又新鮮又平，$10都有，好抵食。」
NapaValleyOysterBar&Grill
電話：28800149
地址：鰂魚涌海灣街9號海灣大廈地下
營業時間：上午11時至下午3時；下午5時半至晚上11時。