董太平時講嘢好長氣，點知吹波就唔夠氣。德育關注小組噚日搵咗中大嘅黃重光教授講全人教育，小組永譽顧問董太同成員田北辰、召集人鄭慕智捧足全場。黃教授完場前，叫大家將手上嘅氣球吹爆，吹得爆就代表自己衝破咗一個難關。
田北辰一口氣就吹脹咗個葫蘆形嘅氣球，但就點都吹唔爆。
董太就吹極都吹唔脹個波，一見身旁田北辰就嚟吹爆嘅大氣球，佢就驚到變成小鳥依人咁挨落鄭慕智身上，掩住耳仔都唔夠，後來重要同人調位㖭。連爆個氣球都驚，唔怪得之事後佢話自己「個膽好細」，重話聽完個talk，自己亦有好多嘢要檢討，係乜呢？佢唔肯講。
（圖）田北辰話咁易就吹咗個氣球，隨時爆波，董太就驚到小鳥依人咁挨住身旁嘅鄭慕智。
徐岱靈攝
傳真︰2623-9278
電郵︰