住喺港島區而喜歡行山嘅人士，相信十居其九都行過港島徑，由於港島徑四通八達，差不多由灣仔至大浪灣都可以去到。住喺鰂魚涌嘅居民，不但可從柏架山道行上這條風景綺麗的港島徑，而且，柏架山道沿途係一條樹木研習徑，能觀賞香港罕見樹木之餘，途中亦有不少古迹及燒烤區給遊客享用參觀。所以，除了攀上大風坳上的港島徑交滙處外，行上柏架山道亦一樣健康。
由鰂魚涌市區行上大風坳，需約個半鐘頭，途經不少樹林郊區，而且亦有不少景點如紅屋可供遊客觀賞。雖然採訪之日天公不造美兼有雷暴警告，但仍見途上有不少行山人士上上落落；傾談間知悉有大部份均是區內居民。其中更有多位專業行山人士，而且配備充足，如水壺、雨褸、太陽帽及對講機樣樣皆備，實行一邊上山誓與雷雨比拼。