葉蘊儀與Twins的髮型師Daniel，早前被周刊拍下遊船河兼餵薯片的照片，前晚這對緋聞男女又與朋友蒲吧，兩人更坦承對對方有好感，而Daniel亦表示食薯片一事已成為Twins的笑柄。
葉蘊儀（Gloria）自從經歷過婚姻失敗後，感情至今一片空白，但她大半年前因光顧明星髮廊Chin.G的關係，而與Twins的御用髮型師Daniel擦出理髮情緣，早前兩人更被周刊拍下同遊船河的照片，男方餵Gloria食薯片，態度親暱。前晚這對緋聞男女又相約大班朋友前往尖沙嘴諾士佛台蒲吧。
前晚十一時許，Gloria與Daniel及一眾友人於諾士佛台的WhalePub消遣，雖然大夥兒坐在露天位置，但對坐的Gloria及Daniel全程有講有笑，表現十分開心。
記者上前問Daniel是否與Gloria拍拖，他即時否認說：「唔係，我哋係好朋友。」未知兩人有否發展機會呢？他說：「將來嘅事將來至算，唔排除有或者冇。」但Daniel承認對Gloria甚有好感，他笑說：「佢係好女仔，nice、健康、善良，係對佢有好感，但人哋係藝人，唔想影響佢嘅事業。」
不過Daniel表示連日來有不少朋友均以食薯片來取笑他，未知Twins有否問他的感情事？Daniel笑說：「有，但我冇答佢哋，Twins重笑我食薯片。」對於Daniel坦承對自己有好感，Gloria說：「朋友唔敢踩我啫，咁我禮貌上要講番對佢有好感，佢個人好溫柔，好細心，但𠵱家我太忙，冇時間拍拖，將來嘅嘢第日至諗啦。」
採訪、攝影：朱芷瑩