名模Rosemary前日為連卡佛行時裝show，其母Julie透露非典型肺炎減退後，女兒的工作量逐漸恢復正常。Rosemary更會客串由梁家輝主演的新片《我阿爸真爆炸》，飾演邦女郎，除了展示性感一面外，還會有上山下海的動作場面。
連卡佛尖沙嘴店前晚舉行開幕派對，同場加演名牌Lanvin、JustCavalli及本地時裝設計師何國鉦的新裝show，除了一班模特兒包括Rosemary、陳嘉容和李嘉慧等悉力演出外，中國星電影公司老闆向華強的前妻丁珮及模特兒孟廣美也是派對座上客。
混血名模Rosemary前晚示範何國鉦的新裝，其母Julie如常陪伴在側，Julie表示非典型肺炎疫潮稍為退減後，女兒的工作量亦回復正常，Julie說：「最近同個女傾成咗幾個內地產品代言人工作，佢又會客串梁家輝套新戲《我阿爸真爆炸》，度期都度到我頭大呀。Rosemary喺《我》片中飾演邦女郎，雖然得幾日戲，但係酬勞好吸引。」在《我》片中Rosemary會否有性感演出？Julie說：「邦女郎形象梗係性感啦，而且Rosemary又有條件，佢喺片中重會有上山下海嘅動作場面，好似要潛水。」
此外，孟廣美前晚也是派對的座上客，問她老家台灣非典肆虐，會否避鋒頭暫時不回去？她說：「我遲啲要去北京拍由中央台投資嘅古裝電視電影，起碼有兩個禮拜唔使返台灣。」
孟廣美續說：「我成日都有打電話畀媽咪，問吓佢嗰邊嘅情況，媽咪話如常出街。我承認台灣人嘅防炎意識唔多夠，尤其係我睇見報道話有台灣醫生怕死辭職，後來加咗人工就復職，我真係想搵石頭掟佢呀。」
採訪：JessicaNgan
攝影：ChanChiLam
