天幕新人鄧肇欣早前因與許志安合演電影《給他們一個機會》而鬧出緋聞，雖然她對此大感不悅，但緋聞卻令其知名度增加。
鄧肇欣最近除接拍一部劇集和電影外，亦正斟洽美容和婚紗等廣告。問鄧肇欣會為哪類美容產品任代言人，她日前說：「𠵱家重傾緊，但我覺得最好就係減肥用品啦！我𠵱家一百零三磅，都覺得肥，希望可以減多六磅，大腿同小腿再瘦啲就好啦。」
熱愛運動的鄧肇欣最近沉醉於kickboxing，她說：「我平時都好鍾意做運動，游水、roller我都好鍾意，但係最近開始學kickboxing，覺得好好玩，又可以減肥，真係幾好㗎！」
採訪：羅慧敏
攝影：甄朝健