混血名模DanielleGraham早前為已合作五年的廣告商，拍攝全新面膜硬照及電視廣告。雖然Danielle被指經常夜蒲有損形象，但廣告商卻不介意，足以證明其地位難以取代。
混血名模DanielleGraham早前為OLAY拍攝新一輯「水凝修護面膜」硬照及電視廣告，廣告將於下月初在中、港、台三地播放。雖然Danielle早前經常蒲吧兼與友人又攬又錫，有損形象，但廣告商五年來對她仍然不離不棄。
今次廣告商以百萬元製作費拍攝新一輯廣告，足見對Danielle愛護有加，廣告商發言人說：「Danielle係一個好專業嘅模特兒，有報道話佢形象唔好，呢啲係佢嘅私人問題，我哋唔會介意。佢嘅表現一直好好，好適合我哋嘅要求，合作得好愉快。」
廣告在一個盛滿水的大型搭建場景內進行拍攝，Danielle當日穿上一襲全白色露肩裝，她一看到放滿了水及花瓣的影樓，便大感驚訝地笑說：「嘩！好靚，未試過影硬照咁大陣仗！」可是Danielle要一直蹲在水中，一浸便浸了六個小時，浸得皮也皺起來。
在電視廣告中，Danielle扮演女強人，因與男朋友約會，為確保自己以最佳狀態赴會而敷面膜。原來現實中，Danielle亦一如廣告中的女主角，她說：「係女仔都想靚㗎啦，其實每次有重要約會，我都會把握時間做mask，尤其係今次新推出嘅面膜，敷完之後真係好似做咗spa咁。」
採訪：LawWaiMan
