劉德華在最新的廣東碟中施展扮嘢本色，其醫生和飛機師造型，與里安納度狄卡比奧（LeonardoDiCaprio）在《捉智雙雄》中的造型甚為相似。原來華仔這次扮鬼扮馬是要為巿民減壓！
劉德華在最新推出的《如果有一天》大碟中，以多個造型出現，其中靚仔醫生和飛機師的扮相，與里安納度狄卡比奧在電影《捉智雙雄》裏的造型十分接近，不過華仔扮鬼扮馬背後，卻隱藏深意。
華仔為配合親自作曲填詞的勵志歌《如果有一天》，遂以醫生造型出現，希望藉着歌曲治療最近因非典型肺炎而帶來的創傷和壓力。
華仔亦被醫護人員的犧牲精神感動，他自嘲說：「我呢個劉醫生真係流嘅，同一班為病人出生入死嘅醫護人員冇得比。不過我希望我呢個『流』醫生嘅歌，可以出一分力，幫吓手，醫治到大眾嘅心靈。」
而華仔的飛機師扮相亦有型有款，他說：「假如有一日我可以做個有型嘅飛機師，我一定將病毒運上太空消滅，令全世界嘅人不必再受苦。」
雖然非典型肺炎總算受到控制，但華仔認為大家不應掉以輕心，他今日會返母校可立中學，探望學弟學妹，並預備數千支印有華仔肖像的洗手液，送給一班同學，提醒他們不要鬆懈。
華仔說：「我睇電視時，見到班學生返學戴住口罩好辛苦。𠵱家非典型肺炎嘅感染數字雖然少咗，學生可以戴少啲口罩，不過清潔一定唔能夠缺少，所以我希望送啲清潔手液畀佢哋返學用，保持雙手清潔。」
