九五年港姐冠軍楊婉儀自從當選後，八年來從未在幕前再穿泳衣。已為人婦的她，日前拍攝樓盤廣告時，竟破例穿比堅尼，她表示丈夫王瑞勳批准才敢穿着。
楊婉儀自九五年參選港姐後，八年來均惜肉如金，未有再在幕前穿上比堅尼示人，日前她往常平拍攝萬克頓樓盤的電視廣告時，為介紹樓盤內的冰水池，竟破例穿上比堅尼出鏡。
雖然楊婉儀浸在冰水池時毫無怨言，但在場工作人員卻擔心她凍僵，每有空檔即拉她上水，為她披上浴袍保暖。
最近榮升王瑞勳太太的楊婉儀，日前接受本報電話訪問時表示，今次着比堅尼拍廣告，事前獲丈夫審批後才敢接拍，她笑說：「呢件泳衣係我同老公去夏威夷嘅時候買嘅，拍廣告之前，我問佢可唔可以着呢件泳衣，佢話：『得，唔緊要啦，我知你唔會亂嚟。』咁我就着咗呢件泳衣出鏡。」未知其夫婿可擔心老婆被睇蝕？楊婉儀笑說：「我唔會擺啲核突甫士㗎！」
楊婉儀表示有點不習慣着泳衣，她說：「其實以前拍旅遊特輯，都有話要着泳衣介紹水上活動，但我唔識游水，所以就避咗唔使着。呢次着泳衣，初頭都有少少唔慣，但大家都係做嘢，快快趣趣拍完重好啦。」
當年楊婉儀參加港姐時，所報三圍是33、23、33，身形至今仍保持水準，她說：「我嘅磅數同以前差唔多，𠵱家九十九磅，我諗身形比以前好啲，因為結實咗同瘦啲，三圍都冇變過。」
此外，今次楊婉儀在廣告中有十個造型，拍攝兩日已獲六位數字酬勞，廣告商更稱若她買樓，會給她半價優惠。
採訪：朱芷瑩
