楊采妮日前接受時裝雜誌訪問，認為做人不可以太執着，否則不會快樂。楊采妮又表示雖曾被出賣，但不會覺得這個世界很灰。她會珍惜眼前的一切，享受一百零一巴仙的快樂。
楊采妮最近當上時裝雜誌《Bazaar》封面人物，在訪問中大談自己如何待人接物，她覺得自己現在不會執着，會享受一百零一巴仙的快樂。
問楊采妮是否一個好勝的人，她說：「我唔會去爭取任何嘢，我相信天下可以容納好多人，講真成功同失敗對我嚟講都唔係大問題，最重要係曾經盡過努力。由細到大，屋企人都教我做人最緊要負責任。」
那麼楊采妮是否信任別人，她說：「我知道唔係全部人都係好人，但我睇呢個世界唔會好灰。當然我都試過俾人出賣，但我一定唔會防人防到唔同人交心，我亦唔會因為懷疑人而要疏遠佢。」
早前楊采妮拍了一個洗頭水廣告，究竟是否打算復出？她說：「呢樣嘢我唔會正面回答，唔係逃避，𠵱家我真係冇復出嘅心情，若有好玩同有意義嘅工作，我都會接，當畀自己一個機會。」
楊采妮續說：「而且環境變得快，我都唔想計劃咁多。我覺得人要珍惜眼前所擁有嘅，所有嘢得來不易，人同人交往都係講緣份，𠵱家我會享受眼前一百零一巴仙嘅快樂。」
撰文：比華利