楊千嬅日前接受一本雜誌訪問，並以「江湖兒女」為題，穿上多套甚具特色的服裝拍照，配以身後的貨車作背景，果然具江湖兒女本色。千嬅更笑說自小於九龍城長大，故流露一股江湖味道。
楊千嬅日前以一身有型有款的打扮，為新一期《士多》雜誌拍攝封面，千嬅看來確有強烈的江湖兒女味，她笑說：「可能自小喺品流複雜嘅九龍城長大，所以不自覺流露一種江湖味。」
談到小時候居住在九龍城的往事，千嬅不自覺爆出中學時期的一次暗戀故事，男主角原來是一個快餐店夥計，她說：「嗰時傳聞有個好靚仔嘅樓面，所以我放學就會去偷望佢，又或者食完嘢都會特登坐好耐先肯走。」
童年樂事多，但一談到香港現時的境況，千嬅便立刻收起大笑姑婆的本色，一臉正經地說：「有時我會覺得香港人嘅思想唔夠闊、唔夠大、唔夠遠，可能好多人都喺填鴨式教育制度下長大，好多嘢都會用一個分數、一個成績決定你嘅能力同前途，咁就好似董伯伯話齋『太膚淺』喇！」
千嬅雖然對現時的教育制度有所微言，但講到沙士問題，千嬅便大讚正在作戰的醫護人員說：「我覺得香港人好爭氣，醫生護士都無私咁去救人，起碼唔會好似台灣啲人咁爬窗走人，由此可睇得出香港人嘅EQ好高。」