不少圈中人都喜愛滑水，梁漢文原來亦好此道，早前他到大潭篤行下水禮。梁漢文表示滑水
既可以曬太陽，又可以練肌肉，一舉兩得，不過當日他玩了半小時便筋疲力竭。
愛好滑水的梁漢文早前帶備私家滑浪板，到大潭篤一顯身手，當天他表現得相當雀躍，他說：「其實我好鍾意滑水，因為好難得有一樣運動可以曬到太陽之餘，又可以練到肌肉，滑水真係一舉兩得㗎！」
梁漢文續說：「每年我都會滑三至四次水，有時會約埋陳奕迅同何超儀成班朋友去玩。不過，最近出新碟忙做宣傳，所以都冇乜時間去玩。」
當日梁漢文表現不俗，一些跳浪動作亦難不到他，不過亦偶有失手。事後梁漢文興奮地說：「真係好好玩呀，雖然只係玩咗半個鐘，但係已經好攰。可能我太耐冇玩啦，其實我真係好想keep住玩，可惜真係冇咁多時間，隔咗咁耐冇出碟，都要畀心機做宣傳嘛。」
對於近日推出的新碟，梁漢文表示自己花了不少時間和心血，他說：「我隔咗年幾冇出碟，事實上我覺得呢段時間可以畀我諗清楚自己嘅風格同方向，而且呢隻碟又可以做到自己鍾意嘅嘢，所以我都好開心、好滿意。」
採訪：卓美娟 攝影：林德雄
