真係今時唔同往日，家陣香港一班汽車用家，對汽車嘅認識真係今非昔比；就好似萬事得M6咁，自從代理引入埋頂級2.3公升型號之後，一直不乏捧場客支持，銷量重直線上升㖭！咁又係呀，部M6包裝好有房跑車個性之餘，設備講究重有唔錯嘅操控性，但車價都不過20至23萬之內，響一眾同級日本車中，都可謂突出又吸引。然而，以較低車價作招徠嘅伎倆，並不可能長久不變，亞Mark就聽聞代理方面，會響下周中將M62.3型號售價調整，原本賣開19萬多嘅四門版，會調高至20萬9千9，而五門版就升至21萬9千9，至於甚得車迷歡心嘅M62.3SportsWagon，車價則會定響23萬9千9㖭！若然你想趁低吸納，買番部近年高水準之作，重係MadeinJapan嘅萬事得M62.3型號的話，就真係要買趁快喇！