中銀香港總裁劉金寶忽然被免去香港職務調回北京，睇嚟有好多帳要算；新任老闆噚日亮相。
中國銀行行長兼董事長蕭鋼，以中銀香港董事長身份主持大局，年僅四十七歲嘅蕭行長，原任人行副行長，開場白以本港熱門新聞SARS為題，向傳媒問好，又話自己坐飛機嚟，測試體溫正常，叫大家不必擔心。兩三句說話盡顯其消息靈通又不失幽默。
對於記者連番追問劉金寶被調回京嘅底蘊，蕭董仍然氣定神閒，不徐不疾又面露笑容咁答，確有大將之風。
接替中銀香港總裁嘅和廣北，曾來港公開演說，其英語之佳令人刮目，和氏七九年畢業於北京第二外語學院，取得學士學位，八五年喺美國德克薩斯州州立大學獲國際管理學碩士，殊不簡單。
都話中國銀行卧虎藏龍，一啲都冇錯，只是鐵的衙門，流水的官，人去人來，不免令人欷歔。
（圖）蕭鋼真人後生過上鏡，年輕又有活力。
傳真︰2623-9278
電郵︰