譚詠麟（阿倫）和李克勤昨日到黃埔海逸酒店為「左麟右李」演唱會舉行記者會，而昨日有周刊報道指在上周六舉行的《1:99音樂會》上，張栢芝向現場人士投懷送抱，更如樹熊般整個人掛在克勤身上。
克勤表示已看過該報道，並說：「離晒譜，成個古仔一樣，況且佢嗰日生日一定開心啦，我覺得要對栢芝公平少少，佢哋又影唔到相去證明，咁寫真係太誇。」
而阿倫亦力撐栢芝當日無要求上台和他們合唱，阿倫說：「因為初頭啲螢光棒銷情唔係咁好，所以大會叫我哋喺台上呼籲，所以就叫栢芝幫手拎啲螢光棒上台，然後合唱，啲螢光棒先賣晒，重籌咗百幾二百萬㖭。」
此外，由於受沙士影響，「左麟右李」演唱會需要延至下月二十七日才演出，昨日阿倫說：「總之𠵱家手上有嘅飛唔係對日子，而係對番星期幾，張飛係星期一就星期一入場。」
採訪、攝影：駱華齡