八方噚日話做三司十一局嘅新聞秘書唔容易，原來文中搞錯咗王永平局長新聞秘書潘樹泰嘅年齡，話佢夠鐘退休，所以要特別講一聲Sorry。
泰哥今年未夠五十五，選咗新制，即係六十歲先夠鐘退休，佢再三聲明自己符合申請條件自願退休（VR），不過冇申請，重笑話為錢一定唔會提早退，但係佢啲細路都大晒，八方睇怕佢可能唔捨得拍檔咗六七年嘅老細王永平。
所謂人各有志，梁愛詩嘅新聞秘書張世昌（Joe）就話唔係為錢唔走，而係愈嚟愈覺得份工有意義，有份推廣法治精神。講得咁偉大，完全唔似舊日嘅Joe張，唔怪得有人話佢俾梁司長感化咗，就嚟信埋佛。
傳真︰2623-9278
電郵︰