特首民望不斷創新低，四圍傳出代替董特首嘅候選人，其中有「上海姑爺」之稱嘅瑞安集團主席羅康瑞都被傳係人選之一。八方噚日喺美商會午餐會見到羅康瑞，佢係演講嘉賓，只見有外籍fans大讚其處事談吐，重問佢會否競逐下屆特首。
羅康瑞其後向八方同一眾傳媒講番特首人選呢個話題。佢話自己一早已經選擇做生意，唔搞政治，「當年參與基本法小組只係想為香港做番啲事，自己知自己事，我嘅性格根本唔適合做，唔想做咗害己害人，日日俾人鬧就唔好啦。」係人都聽得出，羅氏此言語帶雙關啦。
（圖）羅康瑞話唔想害人害己，兼且日日俾人鬧，所以唔適合做特首喎。
傳真︰2623-9278
電郵︰