過氣美國天后雲妮侯絲頓（WhitneyHouston），前兩日同埋老公BobbyBrown、囡囡去咗中東國家以色列。雲妮話今次佢去以色列，主要係受到一班希伯萊族嘅邀請，而前日佢哋重同以色列總理沙龍會面，聽講稍後喬治布殊到訪，雲妮重會同佢食餐飯。其實今次雲妮出訪，稍後重會去埋聖城耶路撒冷，為咗替新大碟搵創作靈感喎！