化妝護膚品雖然唔係價值連城，但有質素的最平都要花你百幾蚊，女士們買落一大堆，諗落都幾花費。今時今日在慳錢的大前提下，女人識掃平貨之餘更要學會物盡其用，以符合環保唔浪費的原則。幾位專業化妝師就醒你慳錢環保小貼士，讓你可以將化妝品用到盡，唔嘥一分一毫！
記者：梁珮瑜
攝影：黃子偉
模特兒：JenniferKong@jamcast
化妝：Claudy@atomicattac
髮型：Doris@cocoon
睫毛液猶如塗改液，接觸空氣後容易乾涸。所以一支Mascara用得耐，就會出現變乾情況，而「杰撻撻」的睫毛液又怎能令你的雙眼放電？
方法
Felix：「滴幾滴眼藥水就可以繼續用，當然過期或變壞嘅就要即丟，絕不能慳。」另外眼藥水必須用人工淚液的一類，不可用抗過敏類，如消除紅筋用的就唔適合。
不論面或身體的磨砂膏，動輒百多元或以上，自製天然磨砂霜便既便宜又簡單喇。Felix：「泰國好多Spa嘅Scrub都係用天然材料自製，有效又慳錢，不妨試試。」
方法
身體磨砂霜的材料比例是約4杯洗面奶，溝1至2茶匙BrownSugar。若以白砂糖溝洗面奶，就會變成磨砂面霜。
頭髮造型用的啫喱，其實可以當透明眉Gel用。「毛髮較粗硬的亞洲人，用較強勁的HairGel代替眉Gel，眉毛造型亦會更持久。」
方法
用眉刷黏少許HairGel造型便可。亦可存放於小盛器內，方便帶出街。
凡士林是很多人的萬用護膚品，但原來除了潤膚護唇，還可以令睫毛添上神采。唔想搽睫毛液但又想眼仔精靈，用凡士林代替Mascara，睫毛便立即變得滋潤醒神。
跌碎了的粉狀眼影，你會丟咗佢？其實執番已「解體」的碎粉，重組加壓就可再用。
方法
將已粉碎的眼影歸位或存放於另一容器內，然後隔着紙巾用手指大力將碎粉壓實便可。
Jonathan：「其實唇膏用到尾，底部都會剩下約1厘米的份量，如果識用，女士們慳慳哋都可搽多幾次。」
方法