【本報訊】聯合醫院健康服務助理劉錦蓉在照顧病人時感染非典殉職，昨日前往醫院弔唁的市民，既有不良於行的傷殘人士，也有體弱家貧的基層市民，雖然他們投進捐獻箱的帛金僅十元八塊，但已盡顯無限心意。
昨日整日都有市民前往聯合醫院弔唁劉錦蓉，其中包括探病、覆診和專程到場致意的市民。陪媽媽來探病的張小姐慨歎說：「政府無論賠幾多錢畀因工受感染嘅醫護人員，都不及畀番個健康身體佢哋。最初如果醫院做好啲防炎措施，就唔會搞得咁慘啦！」
牛頭角明愛社區中心社工朱慕芬，昨日把兩張各一千元的支票，透過聯合醫院轉交劉錦蓉和較早時也因照顧病人而感染殉職的健康服務助理鄧香美的家人。朱慕芬說：「雖然僅僅一千蚊，但呢的錢係嚟自單親家庭同領取綜援人士，可以講係飽受困擾嘅基層小市民，點點心意勝過無數金錢。」
坐輪椅到醫院覆診的朱錦輝，在弔唁冊簽下姓名，從口袋裏掏出少許金錢，吃力地伸出手把心意放進帛金箱內。
靠枴杖走路的黃太說：「三月尾我先生因病入院時，就聽見醫生話，無乜事嘅話，最好快啲出院。四月二日出院，先知隔兩張床收咗個發高燒嘅病人。當時聽到好多護士話唔敢返屋企，怕感染屋企人，死都要死喺醫院。諗唔到鄧香美同劉錦蓉就咁去咗。做少少帛金，又算得乜呀！」
聯合醫務協會幼兒園全體小朋友送上一個花籃，並附上一張特大的心願卡，向劉錦蓉致意。市民「水姐」整夜摺了百隻小紙鶴，送給蓉姐作為無限祝福。兩年前與蓉姐一起加入聯合醫院工作的護士國芬，形容蓉姐：「佢好似媽咪咁，我真係好唔捨得佢！」