《春光乍洩》騎呢版
東東、杜汶澤迫浴缸　攣晒！

陳曉東與杜汶澤日前拍攝網劇《男女字典》，扮演同性戀者，兩個大男人在四呎浴缸內「鴛鴦戲水」，感覺有如電影《春光乍洩》中的張國榮及梁朝偉一樣，不過他們一高一矮的組合十分搞笑。

陳曉東與杜汶澤在網劇《男女字典》中飾演同性戀者，早前拍攝一場出浴戲，由夏永康操刀拍攝，感覺有如張國榮與梁朝偉在電影《春光乍洩》一樣，只是東東與阿澤一高一矮的組合十分搞笑。

「單位冇熱水」
原來導演構思要將《男女字典》拍成亞洲版《色慾都市》，故內容有很多談情說性的場面，而東東與阿澤皆首次飾演同性戀者。
拍攝當日，東東與阿澤在一間示範單位的浴室中肉帛相見，二人都表示不覺尷尬，東東日前說：「我覺得又凍又迫多啲囉，因為示範單位都冇熱水，我哋拍咗半日，就浸咗喺水入面半日，又凍又皺皮呀。」加上浴缸只有四呎長，有五呎十一吋高的東東要坐在浴缸內相當擠迫，他還要與杜汶澤一起在浴缸內「鴛鴦戲水」，東東說：「簡直迫爆浴缸呀，我隻腳都唔知擺喺邊好，屈咗成個晏晝，我同阿澤見到大家都忍唔住笑，所以都要NG幾次呀。」

露點有信心
阿澤則表示為拍露點出浴戲，他之前幾日都節食，十分誇張，阿澤說：「東東咁弗，好彩我𠵱家都唔弱，我都有瘦身纖體，加上拍之前幾日唔食嘢，可謂弗上加弗，露點都露得好有信心呀。」問到出浴場面與《春光乍洩》感覺相似，東東與阿澤異口同聲表示每個導演有不同風格，最重要是效果好，故不擔心被指抄襲。