去年正式進軍樂壇的Yumiko昨日由成和坊舊居搬到西半山列堤頓道，新居月租二萬多。Yumiko找了唱片公司同事和髮型師等幫手，她表示裝修、按金連上期等，已花十萬元。
英皇3T成員鄭希怡（Yumiko）原本和另一成員蔣雅文（Mandy）同居於跑馬地成和坊，早前Mandy已在銅鑼灣另覓居所，Yumiko昨日則搬到西半山列堤頓道的新居。新居則月租二萬多，同樣是三房兩廳，約有八百呎。
Yumiko並沒有請搬運公司，只找來唱片公司職員和髮型師朋友幫手。昨午二時許，Yumiko一行六、七人，其中五個是男性，另安排了一架保母車和一架貨Van。Yumiko的雜物頗多，有兩張白色枱、一個電子琴、一個結他、兩部電視機、電腦及音響等，另外有八袋紅白藍膠袋，分別用lable紙寫上長褲、夏天衫、CD等作識別。雖有壯男幫手，Yumiko亦沒偷懶，推着白色枱時，更笑自己是點心妹。
Yumiko說：「我搵朋友搬屋，唔係為咗慳錢，只係想睇吓班朋友對我有幾好。我今晚會請佢哋食飯，食飯嘅錢重貴過搵搬運公司啦。我之前已經搬咗好多雜物上新樓，總共有十七袋紅白藍，其中有三袋我諗住捐畀救世軍。」
Yumiko續說：「今次搬係因為成和坊嘅地址俾人知道晒，試過有陌生人上嚟㩒門鐘，而且嗰度冇管理處，夜晚做完嘢返去冇安全感，新居就好合眼緣。」
Yumiko搬屋花費約十萬元，她說：「連按金上期、買家具同裝修，都要使成十萬蚊。我冇搵人睇風水，但有擇日，噚日係好日，我噚日已經上嚟拜過四角，重喺度瞓咗一晚。我喺屋度裝咗好多鏡，咁就可以喺屋企排舞。」
採訪：朱芷瑩
攝影：甄朝健
