「沙士」將各人的生活習慣大大擾亂，平日蒲慣街的人，立時變得深閨，生活有咁健康得咁健康。最可憐係平日做慣Gym的人，頓失所依，肌肉開始變得鬆弛。其實要做Gym喺屋企都可以做到，今次由兩位專業健身教練Aaron同Isis教大家喺屋企修身、練肌肉。
記者：莫家玲 攝影：林栢鈞
Model：Aaron&Isis
女仔的雙臂特別多脂肪，要對付呢部份的鬆弛肌肉，唔一定舉啞鈴咁悶。呢招以男友大腿為雙腳的支撐點，再加張餐凳便可鍛煉雙臂的後肌肉。每12下為一組，可做1至2組。
功效：女士可鍛煉後手臂及膊頭的肌肉，男友則可鍛煉大腿的肌肉。
動作
提示：男女雙方的腰部均要挺直，避免傷及腰部。
喺屋企練大隻，做掌上壓就最簡單，不過難度就……，想挑戰難度，不妨在凳仔上做凌空掌上壓。由於難度較高，每次做8下為一組，每次可做1至2組。
功效：男士可鍛煉胸、肩、手臂及腹部肌肉；女士可鍛煉臂和腿部肌肉。
動作
男士將雙手屈曲地放在凳上；女友站在男友腿後，雙手捉緊男友的小腿，雙膝微微彎曲。男士可在凳上做出掌上壓的動作。
提示：男士要將腰挺直，避免傷及腰部；做掌上壓時雙手動作不要落得太深，否則肩膊很易弄傷。而女士的雙手要固定唔可以跟隨動作又上又落。另外，腰部亦要伸直。
想身形更加靚，可能要做多項運動先可鍛煉不同的肌肉，若怕複雜的話，不如將廚房塊砧板拿出來充當啞鈴，練晒全身的肌肉。這款動作以15下為一組，可做1至2組。
功效：可以練到不同的肌肉，包括前膊、Hip、大腿及小腿等部位。
動作
提示：腿部屈曲時留意雙膝不可向前傾，小腿與大腿應保持90度角，而收腹時腰要挺直。
女仔最忌有對蘿蔔腳，想着條裙出街都唔敢，不如多修小腿的肌肉，令雙腿更加迷人。這動作要依靠男友寬闊的膊頭，動作夠晒溫馨，不妨做夠3組，每組可做15下。
功效：修小腿
動作
單腳站立，另一隻腳靠在站立那隻腳的小腿上，手握水樽，然後用腳尖將身體升高，最後回復原狀。
提示：單腳的難度較雙腳站立高，再拿着水樽可加強效果。
鳴謝：國際私人教練學院（31060586）