香港「名雞之父」陳鑛安教授，為咗要搵有雞味嘅石岐雞，幾年前親自走遍內地幾個山區，卒之搵到冇混雜外國快大雞種嘅優良品種；因為想又食又拎（將啲雞蛋帶返香港做提純研究），佢陪啲高官同農民飲酒飲通宵都冇計。
陳教授話，華南雞品種好重要，以前為咗啲雞快高長大，雞農將外國快大雞同華南石岐雜混種，搞到啲雞冇晒雞味，佢同內地官員穿州過海，走去陽山、海南島、惠州山區、中山小欖等地嘅農村，先找到純正嘅品種。
佢重話中國黃雞味好肉佳，係中國嘅寶貝，日本人好鍾意食石岐雜混北京油雞嘅「北京宮廷雞」，重想同中國交換品種，好彩中國冇咁做，否則就好似中國金魚喺日本變咗好矜貴嘅錦鯉咁。
﹙圖﹚香港石岐雜品種雞隻，一度因為同外國快大雞混種而影響肉質同味道。
傳真︰2623-9278
電郵︰