近期備受車迷追捧嘅萬事得M6車系，唔單止外形出眾，有舒適寬敞嘅座艙鋪排，以及媲美歐洲品牌嘅上佳操控性關係，最近重獲得政府嘅投標指定車。據知，為數二十多部M62.0四門轎車，經已陸續交予有關政府部門使用；早前小記適逢走訪萬事得位處葵涌嘅MazdaCentre，無意中發現數部貼有警方巡邏車標貼嘅M6出入，驟眼望去英姿凜然又吸引。外觀上，呢部警方用嘅M6巡邏車，跟一般民用版相若，僅頭尾玻璃窗、車燈外圍加有防暴用嘅金屬網保護、四輪屬標準版15吋胎軨配搭，另車頂加有橫排嘅閃動燈號。至於探頭座艙所見，前後兩排屬絲絨配搭，以金屬面板鑲嵌嘅中控台上，有齊原廠冷氣同音響組合，還有一套電子4前速自動波作傳動命脈，而表板右旁則加有一列警示燈號開關掣。
日後車迷定必有機會響街上，睇到呢部有150匹輸出嘅M6警車，執勤時嘅英姿呢！