謝霆鋒昨日到港台接受訪問，他最初進入錄音室時，只見到數名記者在場，於是他即問主持人周國豐：「做乜今日咁弱嘅？」而在節目進行期間，有聽眾傳真發表對霆鋒的意見，反應熱列，支持與反對的聲音盡出，有些沒有署名的傳真分別寫着：「扮晒魚蝦蟹」、「收嗲啦！」，更有人寫霆鋒為「負面的人」。
而一班愛護霆鋒的宣傳人員一度站在傳真機旁，欲把傳真「過濾」，更有人收起傳真，不讓記者拍照。周國豐維護他說：「呢啲都唔算勁！以前有啲藝人試過俾人人身攻擊，梁詠琪重犀利啦！」
記者問霆鋒被稱「魚蝦蟹」會否感到不開心，他不屑一顧地說：「唔開心梗有，但好無聊，咁多時間，不如諗吓點幫人好過。唔係話佢唔啱，但攻擊一個人時，你要檢討，反問自己係咪完美，有冇傷害過人？如果係絕對無愧嘅，咁你可以升仙！」另外，問到他知否張栢芝有新車牌，他說：「都話唔講呢啲。」
採訪、攝影：王連連
