周星馳上周為哥倫比亞投資的新片《功夫》到上海選景及選新演員。在非典型肺炎威脅下，星爺在當地逗留期間，出入有十多人貼身保護，口罩亦不離身，而且盡量避免去人多的地方。
周星馳上周四（二十二日）秘密到上海，除了前往松江車墩影視基地為新片《功夫》選景外，還與洪金寶見面，因為洪金寶將會擔任該片的動作導演。星爺預計八月到上海開工，所以他已兩度到當地選景，順道選新演員。
《功》片的故事發生在五十年代，以內地和香港為背景，其中大部份都在上海取景。星爺上周秘密抵滬，並且前往車墩勘察了外景，在非典型肺炎肆虐下，星爺出現時亦戴了口罩，更有十幾名助手隨行，認真大派頭。星爺昨日在電話中說：「𠵱家我重喺內地睇外景，因為部戲會有好多戲份喺呢度拍。」
《功》片內，星爺需要請不少有功夫底子的演員拍攝，因該片有很多打功夫場面，星爺說：「今次搵演員係比較困難，因為大部份演員嘅先決條件就係要有武功底子，而我自己都要抽時間學功夫，不過𠵱家我要先搞好個劇本，所以都冇時間練功。喺部戲度，我要打好多唔同門派嘅功夫，好彩以前我都學過吓。」
《功》片講述星爺是一位一心想學功夫的年輕人，不停到處拜師學藝，最終成為功夫高手。星爺說：「女主角都未選定，至於馮小剛口頭答應咗拍呢部戲，但佢會做乜角色重未知道，至於趙薇同莫文蔚會唔會幫手客串？到時睇吓佢哋得唔得閒啦！」
採訪：陳月媚