有時就算先進到好似日本咁嘅國家，面對「沙士」咁可怕嘅病，都會有啲人好愚昧，好似民智未開咁。我羅拉啱啱睇咗篇日本雜誌嘅八卦料，話女星吉岡美穗同一班工作人員，喺三月十八日嚟過香港三日，當時香港已經有百幾人染「沙士」，重有五個人死咗，報道話吉岡等人好有可能已經將病毒喺日本散播，將造成大災難。𠵱家都五月尾啦，唔通吉岡㩒住啲菌遲啲傳咩？