陳文媛（BoBo）為運動鞋品牌任代言人，早前她寓工作於健體，到維多利亞公園玩了多項運動，並表示自己愛游水和打波，尤其熱愛打網球，更封張德培做偶像。
陳文媛獲運動鞋品牌Skechers邀任代言人，自稱是運動狂熱分子的她，早前試穿該品牌多款球鞋往銅鑼灣維多利亞公園拍照，更即興與公園內的年輕人及小朋友打籃球及溜冰，又打網球和草地滾球。
BoBo說：「乜嘢運動我都啱嘅，細細個爹哋打網球我已經喺旁邊負責執波，重封咗張德培做偶像㖭。讀書時排球、羽毛球同游水都咁鍾意，入咗行後要keep住身形，得閒就會去跑步練氣。我唔會靠食藥同埋去纖體，冇時間就會喺屋企玩跑步機，如果去近嘅地方，就會踩單車。」
自稱運動狂熱分子的BoBo早前為無綫拍劇時以一件頭泳裝示人，有報道指她下身肥胖，昨日她出席港台「10分動畫」宣傳活動時對此說：「都有相為證囉，唔需要解釋啦，我冇身材係人都知㗎啦，啲相睇到乜咪乜囉，總之我滿意自己嘅身形，覺得舒服就得啦。」
問BoBo其緋聞男友陳冠希有沒有嫌她肥？她即大發嬌嗔說：「行開啦你，好悶呀。」另外有報道指鍾欣桐嫌棄陳冠希花心而飛他，BoBo說：「我冇講過任何嘢，佢（指陳冠希）係我朋友，點飛呀？個個朋友都對我好㗎啦。」
採訪：RitaLeung、RachelWong
攝影：MatthewLam
特別鳴謝：假日溜冰會
