呢輪幾位發起護幼基金嘅女高官馬不停蹄，周圍去接收慈善捐款，噚日發起人之一林鄭月娥去到將軍澳咁遠，接收百佳捐出嘅二百萬元。
為咗善款，林太竟然冒險犯禁，致辭時為呢間超市賣廣告，話自己係百佳嘅忠實顧客，重讚揚有份捐錢嘅顧客貢獻良多。
其實林太並冇忘記規矩，佢講講吓都識得話，公務員有條例，唔准為商業機構賣廣告，不過同一集團另一間電器公司即將為受沙士影響嘅兒童，發售萬五個福袋籌款，所以林太再破多次例，話會吩咐同事，第一時間去社署樓下呢間電器舖分店掃貨，幫到小朋友之餘，探老人家又可以多份禮物。
﹙圖﹚林鄭月娥（中）接受屈臣氏集團食品電子及百貨部行政總裁艾一帆（右三）遞交支票。 區民傑攝
傳真︰2623-9278
電郵︰