恒指昨日回吐71點，在此之前，連升4日，進帳443點，稍作調整一吓，好應該。前日9RSI上到83.19，昨日回落至74.71，再落些少，例如恒指見9300，又係買貨博回升時機。
和黃（013）4日內由45.10元彈上前日嘅48.40元，昨日回吐到47.50元，吼住喺47元以下，趁低買啲Call輪，對象係9811同9606。9811今年10月夠鐘，現價45.5仙，溢價0.1%，槓桿率10.4倍。9606今年8月到期，現價79仙，溢價0.8%，槓桿率6倍。兩隻輪溢價好低，對正股反應敏感，9811波幅較大，正股郁1%，隻輪分分鐘變化10%。
華創（291）跌25仙，收6.70元，跌幅唔細。熱門Call輪9270收4.9仙，散26%，9月到期，溢價3.7%，槓桿率13.7倍，正股上上落落，每逢跌幅唔細之時，可趁低買隻輪，低買高賣。
中遠太平洋（1199）亦回吐番啲，收7.60元，跌20仙。中遠又係上落格局，每次跌之時，趁低買Call輪，對象係9658同9691。9658今年8月到期，現價76仙，溢價5.8%，槓桿率10倍。9691今年7月到期，現價50仙，溢價7.2%，槓桿率15.2倍。
思捷環球（330）調整40仙，收16.20元，等回到16元以下時，買啲Call輪博反彈，對象有9613，隻輪11月夠鐘，現價30仙，溢價4.2%，槓桿率5.4倍。
章盛