三、四月本應係港商接單旺季，好多大型展覽都安排喺呢段時間舉行，但一場沙士搞到所有活動告吹，吳光正之貿發局固然頭大，各路中小企更傷。
為亡羊補牢，貿發局將於下月五至七日，喺會展舉行「中小企市場推廣日展覽會」，聯同逾二百家機構，推出超過二百項優惠。貿發局副總裁黎黃靄玲話，呢個係因應香港旅遊警告被解除後，推出第三浪扶助中小企嘅方案。
沙士期間港商足不能出鯉魚門，公眾亦忽然發覺展覽業咁重要，八方聽聞貿發局已經喺兩星期前，正式向政府提交擴建灣仔會展第三期之建議，喺現有灣仔碼頭同巴士站起一幢新樓，以加強本港展館嘅競爭力，工商及科技局正研究建議內容；經沙士一役，應該冇咁多阻滯啦。
傳真︰2623-9278
電郵︰