立法會破天荒成立小組，研究已呈交特首、關於區議會選區劃界嘅報告書，重可能史無前例提出修訂，實行要剝形象一向中立、又夠權威嘅選管會主席胡國興法官棚牙。
提出設立小組嘅黃宏發同八方講，由於可能有利益衝突，立法會一向不過問選區劃界事宜，不過今年有人向佢投訴，指「選管會諮詢時冇提出唔同方案，同意原本劃界嘅人自然冇意見，點知諮詢完就根據反對意見去修改，原本冇意見嘅人就變得好有意見。」
其實八方都聽聞唔少類似投訴，屯門山景邨同黃大仙竹園邨劃區本來不變，但最終卻被分割成兩個區，現任竹園區議員陶君行更質疑有人偏幫保皇黨，佢牙痛咁聲講：「即係想喺區議會選舉就砌低我，阻我選立法會啫！」立法會個小組星期五首次開會，八方知道唔少議員已搵緊「黑材料」，狂抦選管會。
傳真︰2623-9278
電郵︰